Bætiefni

Hér til vinstri er upplýsingar um öll helstu bætiefni og náttúruvörur.

Heilsa býður uppá mikið úrval af bætiefnum, jurtum og náttúruvörum. Við leggjum höfuðáherslu á gæði við val á vörum okkar og erum með leiðandi vörumerki á flestum sviðum. Vörurnar frá heilsu fást í Heilsuhúsinu og flestum heilsuverslunum landsins. Einnig er mikið úrval af bætiefnum frá okkur fáanlegt í lyfjaverslunum og heilsuhillum matvörubúða.

Fitusýrur
Margir halda að það að forðast almennt fitu sé rétta leiðin en raunveruleikinn er sá að rétt fita er okkur lífsnauðsynleg. Í réttum fitusýrum er að finna tvo undirstöðuþætti (Omega 3 og Omega 6), sem er okkur lífsnauðsynlegir á sama hátt og prótí,, kolvetni, vítamín og steinefni. Omega fitusýrur stuðla m.a. að heilbrigðara hjarta og æðakerfi auk þess sem þær eru nauðsynlegar fyrir heilastarfsemi og húð.

Jurtir
Margar jurtir voru áður fyrr notaðar til lækninga og ýmis lyf nútímans njóta góðs af gamalli kunnáttu um lækningajurtir. Þá voru jurtir líka notaðar til athafna sem vel má flokka undir hjátrú og galdur. Það yrði efni í langan pistil að fjalla um öll þau efni en hér til vinstri eru upplýsingar um nokkrar jurtir sem eru þekktar til lækninga nú á dögum.

Vítamín
Vítamín eru skilgreind sem lífræn efni er líkaminn þarfnast og verður að nálgast þau frá umhverfinu af því að vítamínin verða ekki til í líkamanum eða þá að myndun þeirra þar er ekki nægjanleg til að viðhalda heilsu manna. Aðaluppspretta vítamína er að finna í fæðunni með einni undantekningu; D-vítamín verður til í mannslíkamanum fyrir tilstuðlan sólarljóss (útfjólublárra geisla).

Steinefni og snefilefni
Steinefni eru ólífræn efni og nauðsynleg mönnum og dýrum. Þau verða að berast líkamanum á einn eða annan hátt frá umhverfinu, eins og t.d. með fæðu. Steinefni gegna mikilvægu hlutverki í margþættri líkamsstarfsemi. Nefna mætti að þau eru byggingarefni beina og tanna, taka þátt í samdrætti vöðva, þýðingarmikil í blóðmyndun, nauðsynlegur þáttur í myndun sumra próteina og orkuvinnslu auk margs fleira.

Senda síðu Prenta síðu Senda á Facebook