Fréttir

,,Það eru forréttindi að vinna hjá fyrirtæki sem lætur jafn vel til sín taka í heilbrigðis- og umhverfismálum," segir Þórarinn Þórhallsson, framkvæmdastjóri Heilsu ehf., sem sérhæfir sig í framleiðslu, innflutningi og dreifingu meðal annars á heilsutengdum vörum. 

2 vinsælar vörur frá Heilsu, Hárkúr og Barna Vít, innihalda soja án þess að það komi nægjanlega vel fram á umbúðum. Ráðinn hefur verið bót á þessu og er verið að taka vanmerktar vörur úr hillum verslana og setja rétt merktar vörur í staðinn.

Við biðjumst velviringar á þessu. Vörurnar eru algjörlega skaðlausar nema þeir sem eru með ofnæmi fyrir soja ættu ekki að neyta þeirra, þrátt fyrir að um mjög lítið magn innihaldsefna sé að ræða.

Þeir sem eru með ofnæmi fyrir Soja og hafa keypt vöruna geta snúið sér til Heilsu og verður þeim endurgreitt að fullu.

Hápunkturinn hjá okkur er koma Udo Erasmus til landsins en hann mun halda nokkra fyrirlestra í Smáralind um Omega fitusýrur og áhrif þeirra á heilsu manna. Þetta er kjörið tækifæri fyrir alla til að öðlast betri þekkingu á því hvernig fitusýrur almennt virka. Udo Erasmus hefur fengið fjölda viðurkenninga, m.a. fyrir rannsóknir og þróun á ferskum olíum til manneldis en þar er um að ræða sérstakar blöndur af Omega 3●6●9 olíum. Ljóst er að hjartasjúkdómar og of há blóðfita er meðal helstu meinsemda okkar tíma. Það er því tvímælalaust mikilsvert að fá slíkan fræðimann til landsins og tækifæri fyrir þá sem vilja fræðast um hvernig Omega fitusýrur geta komið að gagni við að bæta heilsuna. Udo Erasmus  hefur verið heiðraður fyrir framúrskarandi störf undanfarna tvo áratugi. Til marks um mikil áhrif hans að undanförnu eru jákvæð skrif vísindamanna í virtustu tímarit og blöð, en fullyrða má að í engan næringarfræðing hafi verið vitnað jafn mikið á síðustu árum.