Fréttir

Hápunkturinn hjá okkur er koma Udo Erasmus til landsins en hann mun halda nokkra fyrirlestra í Smáralind um Omega fitusýrur og áhrif þeirra á heilsu manna. Þetta er kjörið tækifæri fyrir alla til að öðlast betri þekkingu á því hvernig fitusýrur almennt virka. Udo Erasmus hefur fengið fjölda viðurkenninga, m.a. fyrir rannsóknir og þróun á ferskum olíum til manneldis en þar er um að ræða sérstakar blöndur af Omega 3●6●9 olíum. Ljóst er að hjartasjúkdómar og of há blóðfita er meðal helstu meinsemda okkar tíma. Það er því tvímælalaust mikilsvert að fá slíkan fræðimann til landsins og tækifæri fyrir þá sem vilja fræðast um hvernig Omega fitusýrur geta komið að gagni við að bæta heilsuna. Udo Erasmus  hefur verið heiðraður fyrir framúrskarandi störf undanfarna tvo áratugi. Til marks um mikil áhrif hans að undanförnu eru jákvæð skrif vísindamanna í virtustu tímarit og blöð, en fullyrða má að í engan næringarfræðing hafi verið vitnað jafn mikið á síðustu árum.

Fosfat í hreinsiefnum er ein af orsökum ofauðgunar í sjónum. Það er kallað ofauðgun þegar þörungavöxtur eyks og rotnandi plöntuleyfar draga úr súrefnismagninu í neðri lögum sjávar.

Ef þú villt nátturulegar snyrtivörur, þá verður þú að vera tilbúin að leita þær uppi.  Læra að lesa á umbúðirnar, og neita að sætta þig við hálf nátturulegar hár og húð vörur.

Kastað til bata er endurhæfing sem Krabbameinsfélag Íslands býður konum sem lokið hafa meðferð við brjóstakrabbameini. Farið verður í þriggja daga ferð í júlí norður í Laxárdal. Markmið þessa boðs Krabbameinsfélagsins er að veita konum tækifæri til að styrkja sig á líkama og sál með því að æfa flugukast í stórkostlegu umhverfi Laxár, njóta samvista við veiðifélaga með svipaða reynslu - og veiða urriða, ef heppnin er með. Vanir fluguveiðimenn kenna þátttakendum að kasta flugu og sjúkraþjálfari, sem einnig er vanur fluguveiðimaður verður til halds og trausts.

Margir vita ekki að það er hægt að skila öllum drykkjarumbúðum frá Heilsu í endurvinnsluna. Vinsamlega hjálpið okkur að vernda náttúruna og skilið inn umbúðum. Þær vörur sem um ræðir eru t.d. Biotta, Amé, Whole Earth gos, Manic Organic, James White, Biona safar.

Verum umhverfisvæn og göngum vel um landið.

Heilsa ehf. hefur flutt inn talsvert af vörum frá Kallo Foods í Bretlandi undanfarin ár. Nú höfum við gert samning við fyrirtækið um að dreifa vörum þeirra á íslenskum markaði. Við stefnum því að því að auka úrvalið af Kallo og Whole Earth vörum, en Kallo Foods framleiðir vörur undir þessum vörumerkjum.

Heilsa býður nú uppá stóraukið úrval af hráfæði vörum frá fyrirtækinu Windmill Organics. Til fjölda ára höfum við verið með Biona vörurnar frá sama framleiðanda, en þær vörur hafa átt miklum vinsældum að fagna hjá íslendingum ekki síður en í Bretlandi en Biona og Raw Health eru t.d. mjög áberandi í Whole Foods heilsuvörumörkuðunum. Raw Health vörurnar fást í Heilsuhúsinu, Fjarðarkaup, Manni lifandi og Yggdrasil. Fljótlega verða þær vonandi fáanlegar í fleiri verslunum.

Það var Guðfinna Helgadóttir sem var dregin út úr Udo's choice happaleiknum í nóvember! Við hjá Heilsu óskum Guðfinnu til hamingju með það og hún mun fá ársbirgðir af uppáhalds Udo's Choice vörunni sinni að launum!

Til hamingju með vinninginn Guðfinna!

Heilsa ehf. og Udo‘s Choice hafa nú hrundið af stað leik sem getur heldur betur komið sér vel fyrir þá sem hugsa um heilsuna. Fram að áramótum munum við draga út einn heppinn vinningshafa á mánuði og mun sá heppni fá ÁRSBIRGÐIR (12 stykki) af uppáhalds Udo‘s Choice vörunum sínum. Við munum draga út vinningshafa 3. október, 6. nóvember og 9.desember.

Heilsa hefur hafið innflutning á Goji berjum frá Organic Days. Berin eru fáanleg í Heilsuhúsinu, og flestum betri heilsubúðum landsins.

Goji ber (Lycium Eleganus), stundum einnig nefnd úlfaber, hafa verið notuð af heilurum Himalayafjalla og í Asískum lækningum í þúsundir ára.

Talið er að andoxunarefnið, polysaccharides, í Goji berjunum sé sérlega afkastamikið, styrki frumurnar hratt og örugglega og styrki þar með ónæmiskerfið á undrahraða.