Fréttir

Íþróttamenn sem tóku probiotic fæðubótaefni fengu færri sýkingar og jöfnuðu sig fyrr en þeir sem ekki tóku probiotic í rannsókn sem var gerð í Ástralska íþróttasetrinu í Canberra og var birt í British Journal of Sports Medicine.
Rannsakendur rannsökuðu 20 langhlaupara í fremstu röðum á tveggja mánaða tímabili, sem voru látnir taka annað hvort gervilyf eða probiotic fæðubótarefni sem innihéldu bacterium Laccotbacillus fermentum. Á þeim tíma, skrásettu íþróttamennirnir daglega þau einkenni vetrarveikinda sem þeir fundu fyrir, þar með talið hósta og nefrennsli.
Rannsakendurnir báru saman heildar dagana sem hlaupararnir voru með einhver einkenni og fundu að á meðan þeir hlauparar sem tóku gervilyfin höfðu einhver einkenni í 72 daga þá höfðu hinir, sem tóku probiotic, einkenni í eingöngu 30 daga.
Þar að auki sýndu blóðsýni að íþróttamennirnir sem tóku probiotic höfðu tvöfalt magn interferon gamma* á við íþróttamennina sem tóku gervilyf (*interferon gamma eru frumuboðar sem styrkja ónæmiskerfið).
Á meðan rannsakendurnir skilja ekki hvernig probitics virka, sérstaklega þar sem þeir virðast vera áhrifaríkir í litlum skammti, eru auknar vísbendingar í þá áttina að þessar gagnlegu bakteríur geta elft ónæmiskerfið, til viðbótar við annað gagn sem þær gera heilsunni. Nýlegar rannsóknir hafa einnig sýnt að probiotic bakteríur geta komið reglu á efnaskiptin.
Rannsóknin var gerð á íþróttamönnum þar sem kappsfullar æfingar sem marathon hlauparar gangast undir hafa stofnað ónæmiskerfinu í hættu og jafnvel minniháttar kvefeinkenni geta gert alvarlegt bakslag í æfingaplanið. En probiotics sérfræðingurinn Jeremy Nicholson frá Imperial College í London hefur varað við því að niðurstöður þessara rannsókna gætu ekki átt við fólk sem æfir ekki eins ákaft.
Hann hefur sagt að líkamshreysti, lífsstíll, næring og næringarstýring langhlaupara sé líkleg til að vera verulega frábrugðin því sem er hjá almenningi og að vitað sé frá öðrum rannsóknum að örflóra meltingarvegarins sé mjög ólík í þessum tveimur hópum. Þess vegna sé ekki víst að rannsóknirnar séu yfirfæranlegar á fólk sem ekki er líkamlega hraust og næringarlega vanstillt.

Greinin er þýðing á greininni Taking Probiotics Greatly Reduces Infections in Athletes eftir David Gutierrez og hún var birt 21. ágúst 2008 á vef Natural News.com (www.naturalnews.com).