Fréttir

Heilsa vill í samstarfi við Heilbrigðiseftirlit Reykjavíkur, koma því á framfæri að láðst hefur að geta þess á umbúðum að eftirtaldar vörur frá fyrirtækinu innihalda soja sem er þekktur ofnæmis- og óþolsvaldur.

Vörurnar sem um ræðir eru:
Hárkúr (60stk og 180stk) og Barna vít (120stk) með Gula miðanum frá Heilsu ehf., Bæjarflöt 1, Reykjavík. Þessi bætiefni innihalda afurðir úr soja en merkingar þeirra hafa ekki verið nægjanlega skýrar hvað það varðar.

Vörurnar verða endurmerktar og merkingum breytt í næstu framleiðslu.

Neytendur sem eru með ofnæmi eða óþol gagnvart soja eða afurðum úr því ættu því ekki að neyta þessarra bætiefna.

Vörurnar eru öðrum neytendum algerlega skaðlausar.

Vörurnar eru seldar í apótekum, matvörubúðum og heilsubúðum um land allt.

Þeir sem eru með ofnæmi fyrir Soja og hafa keypt vöruna geta snúið sér til Heilsu og verður þeim endurgreitt að fullu.

Þeir sem vilja spyrjast frekar fyrir um málið er bent á að hafa samband við Heilsu í síma 533 3232 eða  með því að senda tölvupóst á heilsa@heilsa.is