Aðalréttir - Grænmeti

Hrísgrjónasalat getur verið forréttur, fyrri réttur, meðlæti eða hreinlega máltíð, t.d. léttur hádegisverður.

Fyrst eru Arborio hrísgrjón soðin í vatni í um 20 mín. (5 cm af vatni látið fljóta yfir grjónin). Á meðan á suðunni stendur er gott að losa um grjónin svo þau klessist ekki. Að suðu lokinni er vatnið síað frá og grjónin skoluð í köldu vatni og síðan smá ólífuolíu blandað saman við.

1/2 eggaldin skorið sneiðar

1 paprika paprika skorin í ræmur

1 bolli soðnar canneloni baunir

2 bollar hrísgrjón soðin, sjá leiðbeiningar

5 ansjósuflök, skorin í tvennt

1 msk kaper

parmigiano ostur, þunnar sneiðar

Steikið eggaldin og skerið í bita eða ræmur. Eggaldini, papriku og baunum er blandað saman, kryddað með tímían og ólífuolíu bætt í. Ansjósum og kaper bætt í eftir smekk, má sleppa. Bragðbætt með salti og pipar og parmigiano osti.